السلام عليكم ورحمة الله وبركاته ... زي اليومين دول من السنه الي فاتت كنت كتبه النوت دي ..
https://www.facebook.com/note.php?note_id=483942905672
والنهردة برحب ب "يـــــــــــــــــــــــــــــن"المفروض تكونو عرفتوه من النوت الي فاتت .. من الاخر كدا ومن غير مقدمات .. 2-10 هكون انا 20 سنه !!! يعني بح اندر ايج من هنا ورايح !!!
انا بقيــــــــــــــــــــت عشرين ..يعني اي بردو .. وانتو مالكم ومالي !! لا مالكم ومالكم ومالكم .. تلاته مالكم ...
الله مش صحابي :$ قدركم كتب ليكم اني ابقا في حياتكم ..
ولازم تشركوني اللحظات دي ..
دي اول 20 ليا :d
تصدقو .. شعور حلو ومش بطال !! اه والله مش بطال ..
السنه الي فاتت اتمنيت امنيات .. منها :
وكل سنه وانا طيبه :)
ويارب السنه الجايه تكون ليا احسن من السنادي
واطور فيها من نفسي واقوي فيها من ديني وايماني
ويارب ميعديش عليا السنادي غير وانا متعلمه حاجات كتير تفيدني في ديني ودنياي
والقي الي امو دعياااااااااااااااااااااااااالو في الليله القدر لي هيكون من نصيبي
مش غرور بس اهو اتنك وانا في ال 19
لحسن هانسا التناكه دي وانا في ال29
دي امنياتي السنه الي فاتت .. السنادي كانت جميله واتعرفت فيها على ناس جديده .. واتعلمت فيها بردو حاجاااااااااات كتيـــــــــــــــر جدا
هبقا احكيلكم عنها بعدين .. اما بقاا ديني .. فدي بقا حاجة بيني وبين ربنا ... بس احساس جميل لما تلاقي نفسك بين ايد ربنا ورحمتو محوطاك من كل حته .. لما تغلط وتلجالو تلاقيه بيسمعك ولما تطلب رحمته بيرحمك ولما تطلب كرمه بيكرمك .. بجد حاجة جميله اوووووووي وشعور جميل جدا .. ربنا يهدينا جميعا ويدخلنا برحمته في عباده الصالحين ...
خلال السنه دي بردو حددت ميولي .. بنيت افكاري الخاصه .. ميلت للسياسه شويه .. ورفعت شعار " انا مصريه مسلمه لا انتمي لاي حزب سياسي .. بس انا بحبك يا مصر " ...
كان رايي في الاحداث والذبذات الي في مصر محدد .. وبنيتو ع مخزوني من القراءات الي قرتها والفيديوهات والبرامج والناس الي كنت بسمعهم ... مصر لا تحتاج لقوى سياسيه تحكمها لاننا خليط غير متجانس من البشر .. احنا عوزين الرئيس القادم يسعى لتطهير النفوس والنهوض بالشعب من الاميه والفقر .. انا كمواطنه مصرية اتمنا ان الرئيس القادم يكون جي عشان يساعد ناس من لحم ودم ميجيش عشان كرسي خشب .. يجي لمصلحه الامه لا لمصلحه الحزب او لمصالحه الشخصيه .. تكون قدوتو عمر بن الخطاب .. يعني يبقا عارف انو هيسائل عن ال 90 مليون .. اانا عاوزة واحد يعرف الانسانيه قبل ميكون داهيه سياسية .. يصلح سوس البلد مش يجمل سنانها ويبيضها من بره ويبتسم في وش امريكا ... احلامي في الرئيس القادم بسيطه جدااااااااااا....
بالنسبة بقا لابن الحلال الي امو دعيالو ...
...............................
النهردة وانا بكتب النوت دي قريت البوست دا ع بيج من البيجات ...
وعجبني اوي ...
لاجلك أغلقت قلبي ♥ و حبست مشاعري ♥ حتي تجده قلبا أبيضا و مشاعر رقيقه جميله لك وحدك ♥♥♥ ....لايهمني مايقولون ♥ يهمني أن أكون لك يومها نعم الزوجه و الحبيبه ♥ و نعم الرفيقه الصديقه ♥ سأظل علي هذا الدرب منتظرة ♥ قدومك
ستكون أنت زوجي ♥ و لك فقط سأمنح قلبي ♥ بل سأمنح عيني و بصري ♥ الحب سيكون شعارنا ♥ و التفاهم أساس بيتنا ♥ و العطاء رمز مودتنـآ..
من السنه للي فاتت للسنادي اتحققتلي حاجات كتير الحمدلله ... ويارب السنه الجايه بقا لي متحققليش يتحقق .. كل سنه وانا طيبة ووسط اهلي وناسي وعزوتي ..
كل سنه وكل الي بحبهم بخير ...
ويارب السنه الجايه اكون اقرب ليك اكتر واكتر .. وتنعم عليا بفضلك وترزقني الخير وتبعد عني الشر انا وكل بنات المسلمين ... ويارب السنه الجايه تكون بلدي ام الدنيا احسن بلد في الدنيا .. يارب اكتب لبلدي السلام والامان .. والخير .. يارب اكتبلها رئيس يبقا من خيره رجال الامه في رحمته وانسانيته وداهيته كمان .. يارب ارحمها برحمتك .. يارب صفي نفوس شعبها .. ونور بصيرتهم للحق وابعدهم عن الضلال .. ..
وباذن الله السنه الجاية اكون احسن واحسن ..واطور من نفسي اكتر واكتر .. واكون عملت حاجة تفيد الامه وابقا زويل العرب ... تصدقو وسعت مني اووووووووووووووووي "الله مفيش حاجة كبيره على ربنا " ..
بالنسبة للي ممتو دعيالو بقا .. :d no comment
ولكم باك يا يـــــــــــــــــــــن .. باذن الله هتبقي احسن من اشر .. وهتبقا ايامك احلا واجمل واعقل يعني واركز بردو ..
ربنا ميحرمني منكم يا احلا واجدع صحاب في الدنيا
بحبكم اوي ..
فاطمة ابوالمجد
Saturday, October 1, 2011 at 11:15am
